प्रेस नोट
भंडारा
एनसीसी छात्र स्वच्छोत्सवात सहभागी
विलास केजरकर भंडारा.
भंडारा :-३ महाराष्ट्र गर्ल्स बटालियन तथा नूतन कन्या शाळा भंडारा यांच्या संयुक्त विदयमाने दिनांक २३ सप्टेंबर ते २ ऑक्टोबर या कालावधीत “स्वच्छता ही सेवा” अभियानांतर्गत नूतन कन्या शाळेच्या एनसीसी छात्रांनी स्वच्छता पंधरवड्यात उत्साहाने सहभाग नोंदविला .’स्वच्छता लक्षित एकाई’ या उपक्रमांतर्गत स्वच्छता शपथ घेतली तसेच दिनांक २५ सप्टेंबरला एक तास ‘श्रमदान’ करून श्रमप्रतिष्ठेचे महत्व व मूल्य विशद केले. दि. २७ सप्टेंबर २०२५ ला प्रभात फेरीचे आयोजन केले. या प्रभात फेरीची सुरुवात शाळेच्या प्राचार्या निलु तिडके यांच्या उपस्थितीत झाली.प्रभात फेरी द्वारे
एनसीसी छात्रांनी “गांधीजींनी दिला संदेश, स्वच्छ ठेवा भारत देश” अशी घोषणा करत समाजात स्वच्छतेविषयी जनजागृती केली.
याप्रसंगी शाळेचे उपमुख्याध्यापक कैलास कुरंजेकर उपस्थित होते. दिनांक २ ऑक्टोबर २०२५ ला राष्ट्रपिता महात्मा गांधी व लालबहादूर शास्त्री यांच्या जयंतीनिमित्त “अहिंसा दिन” तसेच “स्वच्छ भारत दिवस “अधिक उत्साहात साजरा करण्याकरिता स्वच्छता मोहिम राबवून शालेय परिसर स्वच्छ करण्यात आला. स्वच्छता ही सेवा या अभियानांतर्गत शाळेच्या प्राचार्य निलु तिडके यांच्या प्रमुख उपस्थितीत साजरा करण्यात आला.
या उपक्रमांतर्गत स्वच्छ हरितोत्सव याविषयी पर्यावरण संरक्षण व संवर्धन करण्याकरिता टाकाऊ पासून कला या संकल्पनेतून एनसीसी छात्रांनी सुंदर कलाकृती तयार केल्या. शाळेच्या प्राचार्य निलु तिडके यांनी प्रदर्शनाचे निरीक्षण करून विदयार्थिनींच्या कलागुणांना प्रोत्साहन देवून कौतुक केले व कलाकृतीतून तयार करण्यात आलेली एनसीसी छात्रांनी दिलेली शोभिवंत भेटवस्तु स्विकारून आनंद व्यक्त केला.
स्वच्छता पंधरवडयांतर्गत विविध उपक्रमांची आवश्यकता तसेच श्रमप्रतिष्ठा व स्वच्छता ही सेवा यातून राष्ट्रपिता महात्मा गांधींच्या स्वप्नातील विकसित भारत निर्माण करणे हे प्रत्येक नागरिकाचे कर्तव्य व जबाबदारी असल्याचे प्रतिपादन केले. या स्वच्छताविषयक सर्व उपक्रमांचे उत्कृष्ट नियोजन करुन एएनओ रश्मी मोहरकर यांनी एनसीसी छात्रांमध्ये स्वच्छता विषयक जाणीव जागृती करण्याकरिता परिश्रम घेतले. या उपक्रमाचे संस्थाध्यक्ष ॲड. एम. एल.भुरे तसेच संस्था सचिव शेखर बोरसे यांनी कौतुक केले .
RNI:- MPBIL/25/A1465
Devashish Tokekar
Vande bharat live tv news,nagpur
Editor
Indian Council of press,Nagpur
Journalist
Contact no.9422428110/9146095536
Head office:- plot no 18/19, flat no. 201,Harmony emporise, Payal -pallavi society new Manish Nagar somalwada nagpur – 440015
