*गडचिरोलीत दसरा विजयादशमी उत्साहात साजरी;मा.खा.डॉ. अशोकजी नेते यांची विशेष उपस्थिती..* ---------------------------------------- *शोभायात्रा, रावण दहन आणि जय श्रीरामच्या घोषणांनी परिसर दुमदुमला*

प्रेस नोट
गडचिरोली

*गडचिरोलीत दसरा विजयादशमी उत्साहात साजरी;मा.खा.डॉ. अशोकजी नेते यांची विशेष उपस्थिती..*
—————————————-
*शोभायात्रा, रावण दहन आणि जय श्रीरामच्या घोषणांनी परिसर दुमदुमला*

गडचिरोली (दि. २ ऑक्टोबर २०२५):
गडचिरोली शहरात दसरा विजयादशमी निमित्त भव्य शोभायात्रा रॅलीचे आयोजन करण्यात आले. या शोभायात्रेत भगवान श्रीराम, लक्ष्मण, सीता आणि हनुमान यांच्या आकर्षक प्रतिमा साकारण्यात आल्या होत्या. डीजे व बॅण्डच्या गजरात, जय श्रीरामच्या घोषणांनी दुमदुमलेल्या वातावरणात ही रॅली काढण्यात आली.

श्रीराम मंदिर, रामपुरी वार्ड क्रमांक ८ येथून प्रारंभ झालेल्या शोभायात्रेने गांधी चौक व शिवाजी महाविद्यालयाच्या बाजूच्या पटांगणापर्यंत मार्गक्रमण केले. यानंतर पटांगणात पारंपरिक उत्साहात रावण दहनाचा कार्यक्रम संपन्न झाला. आकाशात फटाक्यांची आतषबाजी तरंगत होती आणि जय श्रीरामच्या घोषणांनी संपूर्ण परिसर गगनभेदी झाला.

या सोहळ्यास माजी खासदार तथा भाजपा अनुसूचित जनजाती मोर्चाचे राष्ट्रीय महामंत्री डॉ. अशोकजी नेते उपस्थित राहून जनतेस शुभेच्छा दिल्या.

कार्यक्रमास माजी आमदार डॉ. देवराव होळी, विश्व हिंदू परिषदेचे नेते रामायणजी खटी, कि.मो.प्र. सचिव रमेशजी भुरसे, जिल्हा महामंत्री प्रकाशजी गेडाम, शहराध्यक्ष अनिल कुनघाडकर, माजी फं.स. उपसभापती विलासभाऊ देशमुखे,श्रीकांत भुगुवार, दतु माकोडे यांच्यासह शेकडो बांधव मोठ्या संख्येने उपस्थित होते.

उत्स्फूर्त सहभाग, भव्य शोभायात्रा, फटाक्यांची आतषबाजी आणि जय श्रीरामच्या जयघोषांनी यंदाचा दसरा उत्सव गडचिरोलीत अविस्मरणीय प्रसंग ठरला.

RNI:- MPBIL/25/A1465
Devashish Tokekar
Vande bharat live tv news,nagpur
Editor
Indian Council of press,Nagpur
Journalist
Contact no.9422428110/9146095536
Head office:- plot no 18/19, flat no. 201,Harmony emporise, Payal -pallavi society new Manish Nagar somalwada nagpur – 440015