बेशिस्त वाहनचालकांवर आता ‘एआय’ रडारची नजर! अत्याधुनिक एमटीईएस (MTES) वाहन दाखल; नियम मोडल्यास होणार थेट ई- चलन!

बेशिस्त वाहनचालकांवर आता ‘एआय’ रडारची नजर!

अत्याधुनिक एमटीईएस (MTES) वाहन दाखल;

नियम मोडल्यास होणार थेट ई- चलन!

विलास केजरकर भंडारा.

भंडारा: दिनांक १५_ रस्त्यावरील वाहतुकीला शिस्त लावण्यासाठी आणि अपघातांचे प्रमाण रोखण्यासाठी उप प्रादेशिक परिवहन कार्यालय (RTO), आता अधिक अद्ययावत झाले आहे. बेशिस्त वाहनचालकांवर करडी नजर ठेवण्यासाठी भंडारा आरटीओच्या ताफ्यात ‘आर्टिफिशिअल इंटेलिजन्स’ (AI) आणि रडार तंत्रज्ञानाने सज्ज असलेले अत्याधुनिक वाहन दाखल झाले आहे. या वाहनाद्वारे जिल्ह्यातील वाहतूक नियमांचे उल्लंघन करणाऱ्यांवर स्वयंचलित आणि वेगाने कारवाई केली जाणार आहे.
*१८० डिग्री फिरणार कॅमेरा*;

*रात्री अन् धुक्यातही कारवाई*

या अत्याधुनिक वाहनाच्या छतावर ‘मोबाईल ट्रॅकिंग एन्फोर्समेंट सिस्टिम’ (MTES) ही विशेष प्रणाली बसवण्यात आली आहे. यातील कॅमेरा १८० डिग्रीच्या कोनात फिरून रस्त्यावरील प्रत्येक हालचालीवर लक्ष ठेवेल. यात रडारसोबतच विशेष 'इन्फ्रारेड लाईट्स'चा वापर करण्यात आल्यामुळे रात्रीच्या अंधारात किंवा दाट धुक्यातही नियम तोडणाऱ्या वाहनांचे स्पष्ट चित्रीकरण होणार आहे. यामुळे कमीत कमी वेळेत जास्तीत जास्त कारवाई करणे आरटीओ प्रशासनाला शक्य होणार आहे.
*या' नियमांचा भंग केल्यास थेट चलन*
हे वाहन भंडारा शहरातील विविध भागांसह महामार्ग आणि ग्रामीण भागांमधील अपघातप्रवण क्षेत्रांत गस्त घालणार आहे. यामध्ये प्रामुख्याने खालील उल्लंघनांवर स्वयंचलित (ऑटोमॅटिक) ई-चलन केले जाईल:सीट बेल्ट न लावणे व हेल्मेट न वापरणे, वेगमर्यादा (Speed Limit) ओलांडणे
ट्रिपल सीट प्रवास करणेचुकीच्या दिशेने (Wrong Side) वाहन चालवणे वाहनाच्या कागदपत्रांची (फिटनेस, इन्शुरन्स इत्यादी) मुदत संपलेली असणे.

*जिल्ह्यातील सातही तालुक्यांत धावणार वाहन*
हे तंत्रज्ञान केवळ शहरापुरते मर्यादित नसून भंडारा जिल्ह्यातील सातही तालुक्यांमध्ये टप्प्याटप्प्याने कार्यान्वित केले जाणार आहे. जिथे वाहतुकीच्या नियमांचे सर्वाधिक उल्लंघन होते, अशा ठिकाणी ही वाहने तैनात केली जातील.
*बेशिस्त वाहनचालकांवर बसणार वचक*
"या अत्याधुनिक प्रणालीमुळे मानवी हस्तक्षेप न होता थेट स्वयंचलित ई-चलन जारी होणार आहे. यामुळे नियमांचे उल्लंघन करणाऱ्या चालकांवर वचक बसेल आणि रस्ते अपघात कमी होण्यास मोठी मदत होईल." असे उप प्रादेशिक परिवहन कार्यालयाने सांगितले आहे.
[16/10, 06:51] devashishtokekar05: **All India Media Association*
Nagpur reporter*
*District President*
*VANDE Bharat live tv news Nagpur*
Editor/Reporter/Journalist
RNI:- MPBIL/25/A1465
*Indian Council of press,Nagpur*
Journalist Cell
*Delhi Crime Press*
RNI NO : DELHIN/2005/15378
AD.Associate /Reporter
*INDIAN PRESS UNION*
District Reporter
*Devashish Govind Tokekar*
*My Youtube Channel*
@devashishtokekar1369
Contact no.
9422428110/9146095536
Head office:- plot no 18/19, flat no. 201,Harmony emporise, Payal -pallavi society new Manish Nagar somalwada nagpur – 440015