जवळके स पिण्याचे पाणी प्रश्न सोडवणारे कर्जत प्रांत नितीनजी पाटील यांचे ग्रामस्थांकडून कौतुक

जवळके (स) गावातील पाणीटंचाईच्या समस्येवर कर्जत प्रांत अधिकारी नितीनजी पाटील यांच्या कर्तव्यदक्षपणाचे ग्रामस्थांकडून कौतुक, प्रस्ताव मंजूर झाल्याने तात्काळ पाणी टँकर सुविधा सुरू! जामखेड तालुक्यातील जवळके स ग्रामस्थांच्या पिण्याच्या पाण्याच्या गंभीर समस्येची दखल घेत, वन्दे भारत लाईव्ह टीव्ही न्यूज आणि समृद्ध भारतचे ब्युरो चिफ, निर्भय युवा ग्रामीण पत्रकार संघाचे विभागीय अध्यक्ष पुणे तथा राष्ट्रीय कार्यकारणी सदस्य विशाल बाळासाहेब अडागळे यांनी प्रशासनाकडे माहिती मिळताच केला पाठपुरावा.

जामखेड तहसीलदार शितलकुमार सवाळे, गटविकास अधिकारी शुभम जाधव, कर्जत प्रांत अधिकारी नितीनजी पाटील, प्रथम नागरिक जवळके सुभाषदादा माने, ग्रामसेवक सचिन मोकाशी, महसूल अधिकारी शिरसाट, आकाश काशीकेदार आणि असिफ सय्यद यांच्या सहकार्याने अवघ्या एका दिवसात पिण्याचे पाणी टँकरचा प्रश्न मार्गी लागला. आज, १३ सप्टेंबर रोजी सकाळी ०८:०० वाजता दोन पाण्याचे टँकर जवळके गावात पाठवण्यात आले असून, शासकीय विहिरीमध्ये पाणी सोडण्यात आले.

यानंतर पाणीटंचाई या गंभीर परिस्थितीमुळे जवळके गावात दररोज पाणी टँकरची सुविधा सुरू राहणार आहे. या गंभीर पाणीटंचाईच्या प्रश्नावर तात्काळ दखल घेऊन पाणी टँकर सुविधा सुरू झाल्याबद्दल जवळके (स) ग्रामस्थांनी सहकार्य करणारे कर्तव्यदक्ष प्रशासकीय अधिकारी व पत्रकार विशाल बाळासाहेब अडागळे यांचे आभार मानले आहेत.