आमदार बाबासाहेब देशमुख यांनी घेतली फडणवीस यांची भेट.

सोलापूर
सांगोला विधानसभा मतदारसंघातील शेतकरी आणि पशुपालकांच्या प्रश्नांसाठी आज मंत्रालयात आमदार डॉक्टर बाबासाहेब देशमुख यांनी मुख्यमंत्री मा. ना.

देवेंद्र फडणवीसजी यांची भेट घेतली. सांगोला मतदारसंघात निर्माण झालेल्या दुष्काळी परिस्थितीमुळे शेतकरी आणि पशुपालकांसमोरील अडचणी दिवसेंदिवस वाढत आहेत.

पावसातील दीर्घ खंडामुळे पिकांचे नुकसान झाले असून जनावरांसाठी चारा आणि पाण्याची टंचाईही जाणवू लागली आहे. सांगोला तालुका दुष्काळ ग्रस्थ म्हणून शासनाने जाहीर केला.

या पार्श्वभूमीवर सांगोला मतदारसंघात तातडीने चारा छावण्या सुरू कराव्यात, तसेच चारा, पाणी आणि आवश्यक निधी उपलब्ध करून देत शेतकऱ्यांसोबत त्यांच्या पशुधनालाही दिलासा द्यावा, अशी मागणी मुख्यमंत्री देवेंद्र फडणवीस यांना केली