ਫਰੀਦਕੋਟ ਵਿੱਚ ਲਵਾਰਿਸ ਵਿਅਕਤੀ ਦੀ ਮੌਤ, ਸ਼ਨਾਖਤ ਲਈ ਮੋਰਚਰੀ ਵਿੱਚ ਰੱਖਿਆ

ਪ੍ਰਤੀਕ ਸੇਠੀ ਵੰਦੇ ਭਾਰਤ ਨਿਊਜ਼ ਫਰੀਦਕੋਟ :ਫਿਰੋਜ਼ਪੁਰ ਕੈਂਟ ਪਿਛਲੇ ਦਿਨ ਇੱਕ ਲਵਾਰਸ ਵਿਅਕਤੀ ਨੂੰ ਫਿਰੋਜ਼ਪੁਰ ਕੈਂਟ ਏਰੀਆ ਤੋਂ ਰੇਸਕਿਊ ਕਰਕੇ ਥਾਣਾ ਕੈਂਟ ਦੀ ਪਰਮਿਸ਼ਨ ਨਾਲ ਉਸਦਾ ਘਰ ਆਸ਼ਰਮ ਗੀਤਾ ਭਵਨ ਫਰੀਦਕੋਟ ਲਿਆਂਦਾ ਗਿਆ। ਆਸ਼ਰਮ ਵਿੱਚ ਉਸ ਨੂੰ ਚਾਹ ਪਾਣੀ ਦਿੱਤਾ ਗਿਆ ਅਤੇ ਫਿਰ ਤੁਰੰਤ ਸਿਵਲ ਹਸਪਤਾਲ ਫਰੀਦਕੋਟ ਵਿੱਚ ਇਲਾਜ ਲਈ ਦਾਖਲ ਕਰਾਇਆ ਗਿਆ ਕਿਉਂਕਿ ਉਸ ਦੀ ਹਾਲਤ ਬਹੁਤ ਖਰਾਬ ਸੀ। ਉਸ ਨੇ ਆਪਣੇ ਆਪ ਨੂੰ ਰਕੇਸ਼ ਕੁਮਾਰ ਦੱਸਿਆ ਅਤੇ ਹਸਪਤਾਲ ਵਿੱਚ ਖੂਨ ਦੀਆਂ ਬੋਤਲਾਂ ਅਤੇ ਦਵਾਈਆਂ ਦੇਣ ਦੇ ਬਾਵਜੂਦ ਹਾਲਤ ਵਿੱਚ ਸੁਧਾਰ ਨਹੀਂ ਆਇਆ।

ਫਰੀਦਕੋਟ ਮੈਡੀਕਲ ਕਾਲਜ ਹਸਪਤਾਲ ਦੇ ਸਰਜੀਕਲ ਵਾਰਡ ਵਿੱਚ ਉਸ ਦਾ ਇਲਾਜ ਜਾਰੀ ਰਿਹਾ ਅਤੇ ਕੁਝ ਦਿਨ ਯੂ ਵਾਰਡ ਵਿੱਚ ਵੀ ਰੱਖਿਆ ਗਿਆ ਪਰ ਉਹ ਬਚਾਇਆ ਨਹੀਂ ਜਾ ਸਕਿਆ। ਹੁਣ ਉਸ ਦੀ ਲਾਸ਼ ਸ਼ਨਾਖਤ ਲਈ ਮੈਡੀਕਲ ਹਸਪਤਾਲ ਦੇ ਮੋਰਚਰੀ ਵਿੱਚ ਰੱਖੀ ਗਈ ਹੈ। ਜੇ ਕੋਈ ਉਸ ਦੀ ਸ਼ਨਾਖਤ ਨਹੀਂ ਕਰਦਾ ਤਾਂ ਪੁਲਿਸ ਕਾਰਵਾਈ ਕਰਕੇ ਉਸ ਦਾ ਸਸਕਾਰ ਰੀਤੀ ਰਿਵਾਜ ਮੁਤਾਬਕ ਕਰ ਦਿੱਤਾ ਜਾਵੇਗਾ।