ਮਜ਼ਦੂਰੀ ਦੇ ਪੈਸੇ ਮੰਗਣ ਤੇ ਪਿਆ ਕਲੇਸ਼

Parteek sethi Breaking News – ਮਜ਼ਦੂਰੀ ਦੇ 100 ਰੁਪਏ ਮੰਗਣ `ਤੇ ਪਿਆ ਕਲੇਸ਼, ਮੁੰਡਿਆਂ ਨੇ ਰਲਕੇ ਮਜ਼ਦੂਰ ਨੂੰ ਚਾੜਿਆ ਕੁਟਾਪਾ, ਪੁਲੀਸ ਨੇ 7 ਮੁੰਡਿਆਂ ਖਿਲਾਫ ਕੀਤਾ ਕੇਸ ਦਰਜ। ਘਟਨਾ ਕੋਟਕਪੂਰਾ ਦੇ ਦੇਵੀਵਾਲਾ ਰੋਡ ਦੀ
.ਜ਼ਿਲੇ ਦੇ ਸ਼ਹਿਰ ਕੋਟਕਪੂਰਾ ਵਿੱਚ ਇਕ ਮਜ਼ਦੂਰ ਨੂੰ ਅਪਣੀ ਮਜ਼ਦੂਰੀ 100 ਰੁਪਏ ਮੰਗਣੀ ਮਹਿੰਗੀ ਪੈ ਗਈ।

ਗੁੱਸੇ ਵਿੱਚ ਆਏ 7 ਮੁੰਡਿਆਂ ਨੇ ਹਥਿਆਰਾਂ ਲੈਕੇ ਉਸਦੇ ਰਾਹ ਵਿੱਚ ਘੇਰ ਲਿਆ ਅਤੇ ਉਸ `ਤੇ ਐਨਾ ਕੁਟਾਪਾ ਚਾੜਿਆ ਕਿ ਉਹ ਹਸਪਤਾਲ ਦਾਖਲ ਹੈ। ਪੁਲੀਸ ਨੇ ਕੋਟਕਪੂਰਾ ਦੇ ਹਰਮਨਦੀਪ ਸਿੰਘ ਸਮੀਰ, ਯੁੱਧਵੀਰ ਸਿੰਘ ਸੰਨੀ, ਸ਼ਰਨਦੀਪ ਸਿੰਘ ਸ਼ਰਨੀ, ਗੁਰਪ੍ਰੀਤ ਸਿੰਘ ਹਨੀ, ਅਤੇ ਸੰਦੀਪ ਸਿੰਘ ਸਮੇਤ 2 ਅਣਪਛਾਤਿਆਂ ਖਿਲਾਫ ਥਾਣਾ ਸਿਟੀ ਕੋਤਵਾਲੀ ਵਿੱਚ ਕੇਸ ਦਰਜ ਕਰ ਲਿਆ ਹੈ।

ਕਾਸਮ ਭੱਟੀ ਵਾਸੀ ਤਰਸੇਮ ਸਿੰਘ ਨੇ ਦੱਸਿਆ ਕਿ ਉਹ ਸ਼ੈਲਰ ਵਿੱਚ ਮਜ਼ਦੂਰੀ ਕਰਦਾ ਹੈ ਅਤੇ ਉਸਨੇ ਆਪਣੀ 100 ਰੁਪਏ ਮਜ਼ਦੂਰੀ ਹਰਮਨਦੀਪ ਸਿੰਘ ਤੋਂ ਮੰਗੀ ਸੀ, ਜਿਸ ਕਾਰਨ ਉਸ ਨੂੰ ਕੁੱਟਿਆ ਗਿਆ। ਹੁਣ ਉਹ ਗੁਰੂ ਗੋਬਿੰਦ ਸਿੰਘ ਮੈਡੀਕਲ ਹਸਪਤਾਲ ਵਿੱਚ ਦਾਖਲ ਹੈ।