ਫਰੀਦਕੋਟ ਵਿੱਚ 2 ਵੱਖ ਵੱਖ ਹਾਦਸਿਆਂ ਵਿੱਚ ਦੋ ਵਿਅਕਤੀਆਂ ਦੀ ਗਈ ਜਾਨ

ਕੈਂਟਰ ਨੇ ਫੇਟ ਮਾਰ ਕੇ ਲਈ ਵੈਟਰਨਰੀ ਡਾਕਟਰ ਦੇ ਸਹਿਯੋਗੀ ਦੀ ਜਾਨ । ਫਰੀਦਕੋਟ ਵਿੱਚ ਹੋਏ ਦੋ ਵੱਖ ਵੱਖ ਹਾਦਸਿਆਂ ਵਿੱਚ 2 ਵਿਆਕਤੀਆਂ ਦੀ ਗਈ ਜਾਨ
ਪ੍ਰਤੀਕ ਸੇਠੀ ਰਿਪੋਰਟ…..

ਵੰਦੇ ਭਾਰਤ ਨਿਊਜ਼ ਫਰੀਦਕੋਟ………ਫਰੀਦਕੋਟ ਵਿੱਚ ਦੋ ਵੱਖ-ਵੱਖ ਹਾਦਸਿਆਂ ਵਿੱਚ ਦੋ ਜਾਨਾਂ ਚਲੀਆਂ ਗਈਆਂ। ਇਥੋਂ ਦੀ ਤਲਵੰਡੀ ਰੋਡ ਤੇ ਕਟਾਰੀਆ ਪੰਪ ਨਜ਼ਦੀਕ ਇੱਕ ਵੈਟਰਨਰੀ ਡਾਕਟਰ ਦੇ ਸਹਿਯੋਗੀ ਨੂੰ ਕੈਂਟਰ ਨੇ ਫੇਟ ਮਾਰ ਦਿੱਤੀ।

ਜਿਸ ਕਾਰਨ ਪਿੰਡ ਪੱਕਾ ਨਿਵਾਸੀ ਅਮਨਪ੍ਰੀਤ ਸਿੰਘ ਉਰਫ ਵੀਰ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਿਆ ਤੇ ਜਦੋਂ ਉਸ ਨੂੰ ਹਸਪਤਾਲ ਲਿਆਂਦਾ ਗਿਆ ਤਾਂ ਡਾਕਟਰਾਂ ਨੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ। ਦੂਜਾ ਹਾਦਸਾ ਨੈਸ਼ਨਲ ਹਾਈਵੇ 'ਤੇ ਉਸ ਵੇਲੇ ਹੋਇਆ ਜਦੋਂ ਪੰਜਗਰਾਈ ਵਾਲੇ ਪਾਸਿਓਂ ਕਿਸਾਨ ਆਪਣੀ ਫਸਲ ਕੋਟਕਪੂਰਾ ਮੰਡੀ ਲਈ ਲਿਆ ਰਿਹਾ ਸੀ ਤਾਂ ਅਚਾਨਕ ਟਰੈਕਟਰ ਤੋਂ ਡਿੱਗਨ ਕਾਰਨ ਉਸਦੀ ਜਾਨ ਚਲੀ ਗਈ।

ਪੁਲਿਸ ਨੇ ਦੋਨਾਂ ਕੇਸਾਂ ਦੇ ਵਿੱਚ ਮ੍ਰਿਤਕਾਂ ਦੇ ਵਾਰਸਾਂ ਦੇ ਬਿਆਨ ਲਿਖ ਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ।