માંગરોળ બંદર પરમેશ હાઈસ્કૂલના આચાર્ય શ્રી ઉકાભાઈ વરજાંગભાઈ વાળા તથા તેમના ધર્મપત્ની વંદનાબેન દ્વારા દેહદાનનો સંકલ્પ

માંગરોળ બંદર પરમેશ હાઈસ્કૂલના આચાર્ય શ્રી ઉકાભાઈ વરજાંગભાઈ વાળા તથા તેમના ધર્મપત્ની વંદનાબેન દ્વારા દેહદાનનો સંકલ્પ

આ સકલ સૃષ્ટિ ઉપર જન્મ અને મૃત્યુ બન્ને સનાતન સત્ય છે અને એક બીજાના પુરક પણ છે.
આ ભવલોક માં દેહ થી ઘણા પાવન કાર્ય થઈ શકે છે અને દૈહી થી બ્રહ્મ લોકમાં ગમન પછી પણ સદ્ કર્મ ને સદ્ વિચારો થી બ્રહ્મ પદ સુધી ની યાત્રા પરિપુર્ણ થાય છે એ શાસ્ત્રો સુસંગત છે.

આવું જ સદ્ કર્મ મુળ વતન આદ્રી ગામ અને હાલ કર્મ ભૂમિ માંગરોળ ને બનાવી છે એવા પ્રિન્સીપાલ શ્રી ઉકા ભાઈ વરજાંગભાઈ વાળા તથા તેમના ધર્મપત્ની શ્રીમતિ વંદનાબેન ઉકાભાઈ વાળા દ્વારા શિવમ્ ચક્ષુદાન -આરેણા પરિવાર ના માધ્યમ થી સજોડે દેહદાન નો સંકલ્પ લઈ પોરબંદર જી.એમ.ઈ.આર. એસ. મેડિકલ કોલેજ ને અર્પણ કર્યો છે.

સાહેબશ્રી સદ્ કર્મ થી અને શિક્ષણ ક્ષેત્રે ઉમદા કાર્ય કરી રહ્યા છે. આ સકલ સૃષ્ટિ નું સનાતન સત્ય એટલે મૃત્યુ એ પણ જ્યારે આવે ત્યારે એમને સુધારી લેવું એટલે જ ખરા અર્થમાં જીવન છે,બસ આ સુત્ર ને આપે સાર્થક કર્યું છે.

આજે તા.૨૮/૯/૨૬ ના રોજ શ્રી ઉકાભાઈ તેમજ તેમના ધર્મપત્ની શ્રીમતી વંદનાબેન એ દેહદાનનો સંકલ્પ શિવમ્ ચક્ષુદાન -આરેણા પરિવાર ને અર્પણ કર્યો છે.
આપ બન્ને દંપતિના એક સાથે દેહદાનના આ સંકલ્પને અમો બિરદાવીએ છીએ.આપના આ ઉમદા વિચાર અન્ય વ્યક્તિઓ માટે પ્રેરણાદાયી રહેશે.
શિવમ્ ચક્ષુદાન -આરેણા પરિવાર અને પોરબંદર મેડિકલ કોલેજ દ્વારા બન્ને દંપતીને શ્રીમદ્ ભગવદ્ ગીતા અર્પણ કરી એમના સદ્ વિચાર ને બિરદાવી ને સ્વસ્થ તંદુરસ્ત આયુષ્ય માટે શુભકામનાઓ પાઠવી છે.