દાણા ખાતે આયુષ્માન આરોગ્ય કેન્દ્રના નવીન મકાનનું ઈ-લોકાર્પણ કરાયું

દાણા, કપડવંજ: પ્રાથમિક આરોગ્ય કેન્દ્ર, સોરણા અંતર્ગત આયુષ્માન આરોગ્ય કેન્દ્ર, દાણાના નવીન મકાનના ઈ-લોકાર્પણ કાર્યક્રમનું આજે આયોજન કરવામાં આવ્યું હતું. આ કાર્યક્રમના માધ્યમથી ગ્રામ્ય વિસ્તારના નાગરિકોને આરોગ્યલક્ષી સુવિધાઓ વધુ સુલભ બનાવવા તરફ એક મહત્વપૂર્ણ પગલું ભરવામાં આવ્યું હતું.

આ પ્રસંગે જિલ્લા પંચાયતના સભ્યશ્રી, તાલુકા પંચાયતના સભ્યશ્રી, તાલુકા વિકાસ અધિકારીશ્રી, તાલુકા હેલ્થ ઓફિસરશ્રી, મેડિકલ ઓફિસરશ્રી, ટી. એચ.

એસ.શ્રી, ગામના આગેવાનો તેમજ પ્રાથમિક આરોગ્ય કેન્દ્રના સ્ટાફ સહિતના મહાનુભાવો ઉપસ્થિત રહ્યા હતા. આયુષ્માન આરોગ્ય કેન્દ્રના નવીન મકાનથી સ્થાનિક નાગરિકોને પ્રાથમિક આરોગ્ય સેવાઓનો લાભ મેળવવામાં સુવિધા મળશે.

ગ્રામ્ય સ્તરે આરોગ્ય સેવાઓને વધુ સુદૃઢ બનાવવા માટે આવા આરોગ્ય કેન્દ્રો મહત્ત્વપૂર્ણ ભૂમિકા ભજવે છે. કાર્યક્રમ દરમિયાન ઉપસ્થિત મહાનુભાવોએ આરોગ્ય સેવાઓના મહત્ત્વ પર ભાર મૂક્યો હતો.

આ કાર્યક્રમમાં આરોગ્ય વિભાગના કર્મચારીઓ અને ગામના આગેવાનોની ઉપસ્થિતિએ પ્રસંગને વિશેષ બનાવ્યો હતો.