જૂનાગઢના ગિરનારી ગ્રુપ દ્વારા દિવાળી પર્વની અનોખી રીતે ઉજવણી જરૂરિયાતમંદ પરિવારોને અનાજની કીટ તથા બાળકોને મીઠાઈ, ફરસાણ, ફટાકડા અને કપડાંનું વિતરણ કરાયું

જૂનાગઢ તા. ૦૬-૧૧-૨૦૨૬

જૂનાગઢની સેવાભાવી સંસ્થા ગિરનારી ગ્રુપ દ્વારા પાંચ દિવસીય દિવાળી પર્વની અનોખી અને સેવાભાવી પ્રવૃત્તિઓ સાથે ઉજવણી કરવામાં આવી. તહેવારની સાચી ખુશી જરૂરિયાતમંદ લોકોના જીવનમાં ખુશીઓનો પ્રકાશ પાથરવામાં છે. તેવા સેવાભાવી અભિગમ સાથે ગ્રુપ દ્વારા વિવિધ સેવાકીય પ્રવૃત્તિઓ હાથ ધરવામાં આવી હતી.
ગિરનારી ગ્રુપના સમીર દત્તાણી તથા સંજય બુહેચાની સંયુક્ત અખબારી યાદીમાં જણાવવામાં આવે છે કે, પાંચ દિવસીય દીપોત્સવના પર્વ નિમિત્તે દરેક પરિવારના જીવનમાં નિરોગીતા, સુખ, શાંતિ અને સમૃદ્ધિ જળવાઈ રહે તેવા શુભ આશયથી જરૂરિયાતમંદ પરિવારોને અનાજ-કરિયાણાની કીટનું વિતરણ કરવામાં આવ્યું હતું. આ ઉપરાંત એચ.આઈ.વી.ગ્રસ્ત બાળકો તેમજ ઝૂંપડપટ્ટી વિસ્તારમાં વસવાટ કરતા બાળકોને દિવાળીના પર્વની ખુશીઓમાં સહભાગી બનાવવા માટે મીઠાઈ, ફરસાણ, ફટાકડા અને નવાં કપડાંનું વિતરણ કરવામાં આવ્યું હતું. આ સેવાકીય પ્રવૃત્તિ થકી બાળકોના ચહેરા પર ખુશીની લહેર જોવા મળી હતી.
આ પ્રસંગે ડૉ. પી. એચ. લાખણોત્રા, ડૉ. ભાવિનભાઈ પઢારિયા, ડૉ. ચંદ્રેશભાઇ વ્યાસ, ડૉ. અલ્પેશભાઈ વૈષ્ણાણી, ડૉ. જીતુભાઈ પાંભર, દિનેશભાઈ રામાણી, નાથબાપુ વાળા, કે. કે. ગોસાઈબાપુ, શાસ્ત્રી રવિભાઈ દવે, જયેશભાઈ સોલંકી, રમેશભાઈ બાકુ, કમલેશભાઈ સૈજુ, જલ્પાબેન, વિજયભાઈ કનેરિયા, રાહુલભાઈ પરમાર, પ્રો. પી. બી. ઉનડકટ, મહેન્દ્રભાઈ મશરૂ, યતીનભાઈ કારીયા, યોગેન્દ્રસિંહ પઢીયાર સહિતના આગેવાનોએ મોટી સંખ્યામાં ઉપસ્થિત રહી આ સેવાકીય પ્રવૃત્તિને પ્રોત્સાહન પૂરું પાડ્યું હતું.
આ સમગ્ર કાર્યક્રમને સફળ બનાવવા માટે ગિરનારી ગ્રુપના સભ્યશ્રીઓ દિનેશભાઈ રામાણી, સમીરભાઈ દવે, કિરીટભાઈ તન્ના, રાકેશભાઈ વાવૈયા, કિર્તીભાઈ પોપટ, દિલીપભાઈ દેવાણી, નિલેશભાઈ સરવૈયા, જીગ્નેશભાઈ ટીટીયા, હિરેનભાઈ વ્યાસ, દીપકભાઈ જોશી, હાર્દિકભાઈ વ્યાસ, વિમલભાઈ માણેક, નીતાબેન માણેક, નયનાબેન રાયઠઠા, કૈલાશબેન પટોડીયા, કિશોરભાઈ પટોડીયા, ચંદ્રકાંતભાઈ રાઈઠઠ્ઠા, કૃપાલભાઈ નંદાણીયા, બીપીનભાઈ ઠકરાર, વિપુલભાઈ બુદ્ધદેવ, દિલીપભાઈ સરબદડિયા, અરવિંદભાઈ શિરોયા, સંદીપભાઈ રાઠોડ, અક્ષતભાઈ ધનેશા, હિરેનભાઈ ચૌહાણ, સાહિલ કુમાર, કરણભાઈ કિંદરખડીયા, ઉમાબેન કિંદરખડિયા, માધવીબેન શેઠિયા, પ્રતિકભાઈ કાઠી, જીજ્ઞાબેન કાચા, ધવલભાઈ ચૌહાણ, વત્સલભાઈ કારીયા, નિલેશભાઈ જોશી, વિજયભાઈ દવે, ભાવિનભાઈ મારુ, સંજયભાઈ ચોલેરા, દોશીભાઈ સહિતના સભ્યોએ ઉત્સાહભેર પોતાની સેવાઓ આપી કાર્યક્રમને સફળ બનાવ્યો હતો.
તહેવારોની ઉજવણી માત્ર પોતાના પરિવાર પૂરતી સીમિત ન રહેતાં સમાજના જરૂરિયાતમંદ પરિવારો અને બાળકો સુધી ખુશીઓ પહોંચે તેવો સંદેશ ગિરનારી ગ્રુપ દ્વારા આપવામાં આવ્યો હતો, તેમ યાદીના અંતે જણાવાયું હતું.

રિપોર્ટર સુદીપ ગઢીયા