નવા વર્ષના પ્રારંભે ચોટીલા ચામુંડા માતાજીને અન્નકૂટ ધરાવાયો, ભક્તોએ લીધા દિવ્ય દર્શન

તિથિ: કારતક સુદ એકમ (પડવો), વિક્રમ સંવત ૨૦૮૩
ચોટીલા: હિન્દુ નવવર્ષના પાવન પ્રારંભે સુપ્રસિદ્ધ યાત્રાધામ ચોટીલામાં બિરાજમાન શ્રી ચામુંડા માતાજીના મંદિરે ભક્તિભાવપૂર્વક અન્નકૂટનું આયોજન કરવામાં આવ્યું હતું. આ પાવન પ્રસંગે માતાજીને વિવિધ વાનગીઓનો અન્નકૂટ ધરાવવામાં આવ્યો હતો.
શ્રી ચામુંડા માતાજી સેવા ટ્રસ્ટના તળેટી ખાતે આવેલા મંદિરે માતાજીનો સુંદર શણગાર કરવામાં આવ્યો હતો. નવા વર્ષની શરૂઆત નિમિત્તે મોટી સંખ્યામાં શ્રદ્ધાળુઓએ મંદિરે આવી માતાજીના દિવ્ય દર્શન કર્યા હતા અને પરિવારની સુખ, શાંતિ તથા સમૃદ્ધિ માટે પ્રાર્થના કરી હતી.
અન્નકૂટના દર્શન અને માતાજીના અલૌકિક સ્વરૂપનાં દર્શન કરી ભક્તોએ ધન્યતા અનુભવી હતી. સમગ્ર મંદિર પરિસરમાં ભક્તિ અને શ્રદ્ધાભર્યું વાતાવરણ જોવા મળ્યું હતું.

જય ચામુંડા માતાજી. 🙏

રિપોર્ટર :- નમન દવે