બોડેલીના જબુગામ ખાતે શ્રીજીની ઉત્સાહભેર સ્થાપના

બોડેલીના જબુગામ ખાતે શ્રીજીની ઉત્સાહભેર સ્થાપના :
આઝાદ ચોક ખાતે ગણેશ સ્થાપના પ્રસંગે ભક્તો મોટી સંખ્યામાં જોડાયા

છોટાઉદેપુર જિલ્લાના બોડેલી તાલુકાના જબુગામ ખાતે ગણેશોત્સવ નિમિત્તે શ્રીજીની ઉત્સાહભેર સ્થાપના કરવામાં આવી હતી. જબુગામના આઝાદ ચોક ખાતે યુવક મંડળના યુવાનો દ્વારા દર વર્ષની પરંપરા મુજબ ગણપતિ બાપાની સવારી લાવી વિધિવત સ્થાપના કરવામાં આવી હતી.
શ્રીજીની સ્થાપના પ્રસંગે યોજાયેલી આરતીમાં ગ્રામજનો તેમજ યુવક મંડળના સભ્યો મોટી સંખ્યામાં ઉપસ્થિત રહ્યા હતા. ગણપતિ બાપાના જયઘોષ સાથે સમગ્ર વિસ્તાર ભક્તિમય માહોલમાં રંગાઈ ગયો હતો.
ગણપતિ આગમનથી લઈને સ્થાપના સુધી જબુગામ યુવક મંડળના યુવાનોમાં ભારે ઉત્સાહ જોવા મળ્યો હતો. ગણેશોત્સવ દરમિયાન આગામી દિવસોમાં વિવિધ ધાર્મિક અને સાંસ્કૃતિક કાર્યક્રમોનું આયોજન કરવામાં આવશે. આઝાદ ચોક ખાતે આરતી દરમિયાન નાના નાના બાળકો માં અનેરો ઉત્સાહ જોવા મળે છે તેઓ આખો દિવસ ત્યાં અને ત્યાં જ આસપાસ કંઈકને કંઈક પ્રવૃત્તિઓ કરતા નજરે ચડે છે અને ગણપતિ ઉત્સવ ઉત્સાહપૂર્વક ઉજવે છે

વિરેન્દ્રસિંહ દેસાઈ બોડેલી છોટાઉદેપુર