ਪੰਜਾਬ ਬੰਦ ਦੌਰਾਨ ਭਗਵੰਤ ਮਾਨ ਦੇ ਪੋਸਟਰ ਅਤੇ ਡੀਐਸ ਪੀ ਨਾਲ ਖੈਬੜਨ ਵਾਲੀ ਕੁੜੀ ਅਤੇ ਉਸ ਦੇ ਸਾਥੀਆਂ ਤੇ ਪਰਚਾ ਦਰਜ

ਪੰਜਾਬ ਬੰਦ ਦੌਰਾਨ ਭਗਵੰਤ ਮਾਨ ਦੇ ਪੋਸਟਰ ਪਾੜਨ ਉਪਰੰਤ ਡੀਐਸਪੀ ਨਾਲ ਖੈਬੜਨ ਵਾਲੀ ਕੁੜੀ ਅਤੇ ਉਸ ਦੇ ਸਾਥੀਆਂ ਤੇ ਪਰਚਾ ਦਰਜ
…ਪ੍ਰਤੀਕ ਸੇਠੀ ਰਿਪੋਰਟਰ ਵੰਡੇ ਭਾਰਤ ਨਿਊਜ਼ ਫਰੀਦਕੋਟ …. ਪੰਜਾਬ ਬੰਦ ਦੌਰਾਨ ਭਗਵੰਤ ਮਾਨ ਦੇ ਪੋਸਟ ਪਾੜਨ ਵਾਲੀ ਪੰਜਾਬ ਸਟੂਡੈਂਟ ਯੂਨੀਅਨ ਦੀ ਆਗੂ ਹਰਵੀਰ ਕੌਰ ਗੰਧੜ ਅਤੇ ਉਸਦੇ ਸਾਥੀ ਨੌਨਿਹਾਲ ਸਿੰਘ ਦੀਪ ਸਿੰਘ ਵਾਲਾ ਤੇ ਸੁਖਦੀਪ ਸਿੰਘ ਭੰਮ ਦੇ ਖਿਲਾਫ ਫਰੀਦਕੋਟ ਪੁਲਿਸ ਨੇ ਸਰਕਾਰੀ ਪ੍ਰਾਪਰਟੀ ਨੂੰ ਨੁਕਸਾਨ ਪਹੁੰਚਾਉਣ ਦਾ ਕੇਸ ਦਰਜ ਕਰ ਲਿਆ ਹੈ।

ਜ਼ਿਕਰਯੋਗ ਹੈ ਕਿ ਬੰਦ ਦੇ ਦੌਰਾਨ ਇਹਨਾਂ ਨੇ ਭਗਵੰਤ ਮਾਨ ਦੇ ਵੱਖ-ਵੱਖ ਥਾਵਾਂ ਤੇ ਲੱਗੇ ਫਲੈਕਸ ਅਤੇ ਪੋਸਟਰ ਪਾੜੇ ਅਤੇ ਰੋਕਣ ਤੇ ਡੀਐਸਪੀ ਫਰੀਦਕੋਟ ਦੇ ਨਾਲ ਇਹਨਾਂ ਦੀ ਕਾਫੀ ਤਕਰਾਰਬਾਜ਼ੀ ਹੋਈ ਸੀ। ਇਹਨਾਂ ਦੀ ਤਕਰਾਰਬਾਜ਼ੀ ਦੀਆਂ ਵੀਡੀਓ ਵੀ ਕਾਫੀ ਵਾਇਰਲ ਹੋਈਆਂ ਸਨ।

ਪੁਲਿਸ ਨੇ ਹੁਣ ਇਸ ਮਾਮਲੇ ਦੇ ਵਿੱਚ ਇਹਨਾਂ ਤਿੰਨਾਂ ਦੇ ਖਿਲਾਫ ਥਾਣਾ ਸਿਟੀ ਕੋਤਵਾਲੀ ਫਰੀਦਕੋਟ ਵਿੱਚ ਕੇਸ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।।