प्रेस नोट
रामटेक
S.T. बससेवेच्या अनियमिततेविरोधात ABVP चे रामटेकमध्ये आंदोलन
रामटेक व परिसरात महाराष्ट्र राज्य मार्ग परिवहन महामंडळाच्या (S.T.) बससेवेत मोठ्या प्रमाणावर अनियमितता सुरू असून याचा थेट परिणाम विद्यार्थ्यांच्या शिक्षणावर होत आहे. या गंभीर समस्येच्या निषेधार्थ अखिल भारतीय विद्यार्थी परिषद (ABVP), रामटेक यांच्या वतीने आज शांततामय आंदोलन करण्यात आले.
भंडारा–रामटेक मार्गावरील अनेक S.T. बस नंदगाव फाटा येथे थांबत नसल्याने विद्यार्थ्यांना मोठ्या अडचणींना सामोरे जावे लागत आहे. तसेच खरडा मार्गावरील बस शिवाडौली, मांदरी व पंचाळा येथे थांबत नाहीत आणि वेळेवरही चालत नाहीत. अनेक वेळा बस 2 ते 3 तास उशिरा येत असल्याने विद्यार्थ्यांचे कॉलेज, परीक्षा व दैनंदिन वेळापत्रक पूर्णपणे विस्कळीत झाले आहे.
सकाळी कॉलेजला जाण्यासाठी व संध्याकाळी घरी परतण्यासाठी आवश्यक असलेल्या बससेवा अपुऱ्या असून अधिकृत थांबे असतानाही बस न थांबविणे हा प्रवाशांच्या सुरक्षिततेचा गंभीर प्रश्न आहे. वारंवार तक्रारी करूनही संबंधित प्रशासनाकडून कोणतीही ठोस कार्यवाही होत नसल्याने विद्यार्थ्यांमध्ये तीव्र असंतोष निर्माण झाला आहे.
या आंदोलनात ABVP चे जिल्हा संयोजक रितिक आकरे, विभाग छात्र प्रमुख निलिमा पारधी, मौदा व रामटेक नगर मंत्री आर्यन झाडे व अंशुल कांबळे, विद्यार्थी विस्तारक पवन वानखेडे, रामटेक कार्यालय मंत्री साक्षी कडू, जिल्हा आयाम प्रमुख युगेश विष्णुजी देशमुख, मौदा नगर सहमंत्री प्रियांशु भगवानजी बावनकुळे यांच्यासह संघटनेचे अनेक कार्यकर्ते मोठ्या संख्येने उपस्थित होते.
यावेळी ABVP च्या वतीने संबंधित प्रशासनाला स्पष्ट इशारा देण्यात आला की, सर्व अधिकृत थांब्यांवर बस थांबवाव्यात, वेळापत्रकानुसार नियमित बससेवा सुरू करावी व विद्यार्थ्यांच्या सोयीसाठी अतिरिक्त बस उपलब्ध करून द्याव्यात. अन्यथा विद्यार्थ्यांच्या हितासाठी आंदोलन अधिक तीव्र करण्यात येईल.
Devashish Govind Tokekar
VANDE Bharat live tv news Nagpur
Editor/Reporter/Journalist
RNI:- MPBIL/25/A1465
Indian Council of press,Nagpur
Journalist Cell
All India Media Association
Nagpur District President
Delhi Crime Press
RNI NO : DELHIN/2005/15378
AD.Associate /Reporter
Contact no.
9422428110/9146095536
Head office:- plot no 18/19, flat no. 201,Harmony emporise, Payal -pallavi society new Manish Nagar somalwada nagpur – 440015
