માંગરોળ તાલુકા ના કુકસવાડા ગામે પ્રાકૃતિક ખેતી કરતા ખેડૂતો માટે એક દિવસીય તાલીમ યોજાઈ

માળિયા તાલુકાના કુકસવાડા ગામે નેશનલ મિશન ઓફ નેચરલ ફાર્મિંગ અંતર્ગત પ્રાકૃતિક ખેતી કરતા ખેડૂતો માટે એક દિવસીય પ્રાકૃતિક કૃષિ તાલીમ કાર્યક્રમનું આયોજન કરવામાં આવ્યું હતું.
આ તાલીમ ગૌ કૃપા પ્રાકૃતિક ફાર્મ, કુકસવાડા ખાતે યોજાઈ હતી. કાર્યક્રમમાં જુનાગઢ કૃષિ યુનિવર્સિટી તેમજ આત્મા પ્રોજેક્ટના અધિકારીઓ અને કૃષિ ક્ષેત્રના નિષ્ણાતો ઉપસ્થિત રહ્યા હતા.
તાલીમ કાર્યક્રમમાં જુનાગઢ કૃષિ યુનિવર્સિટીના પ્રોફેસર પી.બી. નકુમ, મદદનીશ પ્રાધ્યાપક, વિસ્તરણ શિક્ષણ નિયામક શ્રી કચેરી, જુનાગઢ કૃષિ યુનિવર્સિટી તથા ડૉ. એસ.કે. કલેંયા, રિન્યુએબલ એનર્જી એન્જિનિયરિંગ વિભાગ, જુનાગઢ કૃષિ યુનિવર્સિટી ઉપસ્થિત રહ્યા હતા.
આ ઉપરાંત આત્મા BTM માળિયાના અજીતસિંહ ઝાલા, આત્મા ATM માળિયાના ધર્મેન્દ્રસિંહ પરમાર તથા GPKVB માળિયાના જયદીપ મોરી ઉપસ્થિત રહ્યા હતા.
કુકસવાડા ક્લસ્ટરના માસ્ટર ટ્રેનર મોહનભાઈ પંડિત દ્વારા ગૌ કૃપા પ્રાકૃતિક ફાર્મ ખાતે ખેડૂતોને પ્રાકૃતિક કૃષિના પાંચ આયામો અંગે સંપૂર્ણ પ્રેક્ટિકલ માર્ગદર્શન આપવામાં આવ્યું હતું. તાલીમ દરમિયાન પ્રાકૃતિક ખેતીની વિવિધ પદ્ધતિઓ, ખેતરમાં તેના વ્યવહારુ ઉપયોગ તથા ખેડૂતોને પડતા પ્રશ્નોના નિરાકરણ અંગે માર્ગદર્શન આપવામાં આવ્યું.
ખેડૂતોને પ્રાકૃતિક કૃષિ પદ્ધતિ અપનાવી જમીનની ફળદ્રુપતા જાળવવા, ખેતી ખર્ચ ઘટાડવા તથા ટકાઉ ખેતી તરફ આગળ વધવા માટે પ્રોત્સાહિત કરવામાં આવ્યા હતા.

રિપોર્ટર સુદીપ ગઢીયા,માંગરોળ
જિલ્લો જૂનાગઢ