છોટાઉદેપુર જિલ્લામાં વાવાછોડા અને કમોસમી વરસાદ દરમિયાન સ્ટેટ હાઇવે પર લગભગ ૩૧ જેટલા વૃક્ષો પડી ગયા હતા. ડભોઇ ગોલગામડી બોડેલી રોડ પર ૫ વૃક્ષ, બહાદરપુરા, ભાટપુર, વાસણા રોડ પર ૭ વૃક્ષ, હાંડોદ નંદપુર કથોલી રોડ પર ૪ વૃક્ષ, હાંડોદ રતનપુર, રામપરા રોડ પર ૩ વૃક્ષ, ઇન્દ્રાણ, ભાટપુર, ઝરવણ રોડ પર ૪ વૃક્ષ, સંખેડા માકણી મોડાસર રોડ પર ૩ વૃક્ષ, નસવાડી તણખલા રોડ પર ૨ વૃક્ષ, તણખલા, ગોયાવાટદૂગ્ધા રોડ પર ૧ વૃક્ષ, તેજગઢ પાલસંડા, કીકાવાડા રોડ પર ૨ વૃક્ષ ધરાશાઈ થયા હતા. ગુજરાત રાજ્ય માર્ગ અને મકાન વિભાગની ૩ ટીમોના ૩૫ જેટલા શ્રમિકો અને ૪ જેસીબીની સહાયથી માર્ગ પરના વૃક્ષો હટાવી સ્ટેટ હાઇ વે પુન કાર્યરત કરવામાં આવ્યા છે, તેમ કાર્યપાલક ઇજનેરશ્રી વિકાસભાઈ મેકવાને જણાવ્યું હતું.
Send an email
