ਫਰੀਦਕੋਟ ਪੁਲਿਸ ਵੱਲੋਂ ਪੋਸਟਰ ਪਾੜਨ ਵਾਲਿਆਂ ਤੇ ਅੱਜ ਦੂਜਾ ਪਰਚਾ ਦਰਜ

Breaking News- ਪੋਸਟਰ ਪਾੜਨ ਵਾਲਿਆਂ ਤੇ ਅੱਜ ਦੂਜਾ ਪਰਚਾ ਦਰਜ। ਹੁਣ ਇੰਪਰੂਵਮੈਂਟ ਟਰੱਸਟ ਦੇ ਅਧਿਕਾਰੀਆਂ ਨੇ ਕਰਵਾਇਆ ਪੋਸਟਰ ਪਾੜਨ ਦਾ ਕੇਸ ਦਰਜ।

ਕੱਲ ਵਾਲੇ ਤਿੰਨਾਂ ਅਧਿਕਾਰੀਆਂ ਨੂੰ ਹੀ ਇਸ ਕੇਸ ਵਿੱਚ ਵੀ ਨਾਮਜਦ ਕਰ ਸਕਦੀ ਹੈ ਪੁਲਿਸ। ਪ੍ਰਤੀਕ ਸੇਠੀ……

ਵੰਦੇ ਭਾਰਤ ਨਿਊਜ਼ ਫਰੀਦਕੋਟ…….ਫਰੀਦਕੋਟ ਨਗਰ ਸੁਧਾਰ ਟਰੱਸਟ ਦੇ ਅਧਿਕਾਰੀਆਂ ਦੀ ਸ਼ਿਕਾਇਤ ਤੇ ਪੁਲਿਸ ਨੇ ਬੰਦ ਦੌਰਾਨ ਭਗਵੰਤ ਮਾਨ ਦੀ ਫੋਟੋ ਵਾਲੇ ਪੋਸਟਰ ਪਾੜਨ ਦੇ ਮਾਮਲੇ ਵਿੱਚ ਅੱਜ ਇੱਕ ਹੋਰ ਪਰਚਾ ਦਰਜ ਕਰ ਲਿਆ। ਪੁਲਿਸ ਨੇ ਇਸ ਮਾਮਲੇ ਵਿੱਚ ਅਣਪਛਾਤਿਆਂ ਖਿਲਾਫ ਪਰਚਾ ਦਰਜ ਕੀਤਾ ਹੈ ਪਰ ਪਿਛਲੇ ਦਿਨੀ ਵਾਇਰਲ ਹੋਈਆਂ ਪੋਸਟਰ ਪਾੜਦਿਆਂ ਦੀਆਂ ਵੀਡੀਓ ਕਰਕੇ ਇਸ ਮਾਮਲੇ ਵਿੱਚ ਵੀ ਕੱਲ ਵਾਲੇ ਤਿੰਨੇ ਆਗੂ ਪੰਜਾਬ ਸਟੂਡੈਂਟ ਯੂਨੀਅਨ ਦੀ ਆਗੂ ਹਰਵੀਰ ਕੌਰ ਗੰਧੜ, ਭਾਰਤ ਨੌਜਵਾਨ ਸਭਾ ਦੇ ਆਗੂ ਨੌਨਿਹਾਲ ਸਿੰਘ ਅਤੇ ਸੁਖਦੀਪ ਸਿੰਘ ਭੰਮ ਨੂੰ ਨਾਮਜਦ ਕਰ ਸਕਦੀ।

ਜਿਕਰਯੋਗ ਹੈ ਕਿ ਟਰੱਸਟ ਨੇ ਫਰੀਦਕੋਟ ਵਿੱਚ ਭਗਵੰਤ ਮਾਨ ਦੀ ਫੋਟੋ ਵਾਲੇ ਪੋਸਟਰ ਲਗਾਏ ਗਏ ਸੀ ਜਿਨਾਂ ਨੂੰ ਬੰਦ ਦੌਰਾਨ ਇਹਨਾਂ ਆਗੂਆਂ ਨੇ ਪਾੜਿਆ ਸੀ ਤੇ ਇਸ ਦੌਰਾਨ ਫਰੀਦਕੋਟ ਦੇ ਡੀਐਸ ਪੀ ਵੱਲੋਂ ਪੋਸਟਰ ਪਾੜਨ ਤੋਂ ਰੋਕਣ 'ਤੇ ਇਹਨਾਂ ਦੀ ਆਪਸ ਵਿੱਚ ਤਕਰਾਰਬਾਜੀ ਵੀ ਹੋਈ ਸੀ। ਇਸ ਮਗਰੋਂ ਇੱਕ ਕੇਸ ਕੱਲ ਪੁਲਿਸ ਨੇ ਆਪਣੇ ਵੱਲੋਂ ਦਰਜ ਕੀਤਾ ਅਤੇ ਅੱਜ ਦੂਜਾ ਕੇਸ ਦਰਜ ਕੀਤਾ ਗਿਆ।