प्रेस नोट
भोजापुर,भंडारा
*महिलांनी सावित्रीबाई फुलेंचे आदर्श डोळ्यासमोर ठेवावे- शिक्षणाधिकारी मनिषा गजभिये*
*भोजापुर येथे क्रांतीज्योती सावित्रीमाई फुले जयंती सोहळा यशस्वी*
*विलास केजरकर भंडारा*
*भंडारा*:- सावित्रीमाईंचा जन्म दिवस संपूर्ण भारतात बालीका दिन व महिला मुक्तीदिन म्हणून मोठ्या उत्साहात साजरा केला जातो. कारण भारतात सामाजिक सुधारणा, सामाजिक परिवर्तन चळवळीतील एक अग्रगन्य व्यक्ती म्हणून सावित्रीमाई ओळखल्या जातात. जाती आणि लिंगावर आधारीत भेदभाव आणि अन्यायकारक वागणूक नाहिसी करण्यासाठी त्यांनी अहोरात्र मरेपर्यंत कार्य केले. त्या एक थोर शिक्षणतज्ञ आणि विपुल लेखन करणाऱ्या कवयित्री होत्या. म्हणूनच सावित्रीमाईला भारतीय स्त्रीवादाची जननी मानल्या जाते. राष्ट्रपिता ज्योतीराव हे भारतातील स्त्री शिक्षणाचे तसेच शुद्रातीशुद्राच्या शिक्षणाचे आद्यप्रणेते आहेत. तर सावित्रीमाई ह्या भारतातील मुलींच्या ब्रिटिश कालीन प्रथम शिक्षिका होत्या. त्या इंग्लिश शिक्षणाच्या पुरस्कर्त्या होत्या. सावित्रीमाईनी आरंभ केलेल्या स्त्री शिक्षणामुळे आज स्त्रियांनी तसेच बहुजन (SC,ST, OBC) समाजाने प्रत्येक क्षेत्रात नेत्रदिपक प्रगती केलेली आहे. म्हणूनच त्यांच्या क्रांतीकार्याला व विचाराला अभिवादन करण्यासाठी व त्यांचे कार्य अविरत सुरु ठेवण्यासाठी महिलांनी त्यांचे आदर्श डोळ्यासमोर ठेवावे असे प्रतिपादन भंडारा जिल्हा परिषदेच्या माध्यमिक शिक्षणाधिकारी मनिषा गजभिये यांनी केले.
त्या संयुक्त जयंती सोहळा समिती, महात्मा ज्योतिबा फुले कॉलनी, सिद्धार्थ नगर व न्यु महात्मा फुले कॉलनी भोजापूर (भंडारा) यांच्या संयुक्त विद्यमाने क्रांतीज्योती सावित्रीमाई फुले यांच्या जयंती सोहळयानिमित्त महात्मा फुले कॉलनी च्या पटांगण नागपूर रोड भोजापूर येथे मार्गदर्शन करतांना बोलत होत्या.
कार्यक्रमाच्या अध्यक्षस्थानी संयुक्त जयंती सोहळा समितीच्या कार्याध्यक्ष पुष्पाताई रामटेके होत्या. प्रमुख मार्गदर्शक म्हणून बेला येथील सरपंच शारदा गायधने, जिल्हा परिषद भंडारा येथील माध्यमिक शिक्षणाधिकारी मनिषा गजभिये, महिला व बाल समुपदेशक सुषमा बन्सोड, ग्राम पंचायत सदस्य पल्लवी अश्विन पाटील, मौदा येथील जनता प्राथमिक शाळेच्या शिक्षिका ममता जांभुळे, दुर्गा चटप, भारतीय आट्यापाट्या संघाची कर्णधार तथा सुवर्णपदक पदक विजेती कु. प्राची केशव चटप, धनराज लुटे, पोलीस पाटील प्रिती मानापुरे इत्यादी मान्यवर उपस्थित होते.
क्रांतीज्योती सावित्रीमाई फुले यांच्या जयंती सोहळयानिमित्त भारतीय आट्यापाट्या संघाची कर्णधार तथा सुवर्णपदक पदक विजेती कु. प्राची केशव चटप व उर्वी हिच्या हिने केक कापून जयंती सोहळा मोठ्या उत्साहात साजरा करण्यात आला.
त्यावेळी क्रीडा क्षेत्रात भारताचे नाव लौकिक करणाऱ्या आंतरराष्ट्रीय खेळाडू व सुवर्णपदक विजेती कु. प्राची केशव चटप व इंटरनॅशनल एशियन चैम्पियनशिप सायकलींग सुवर्ण पदक विजेती कु. मयुरी लुटे चे वडील धनराज लुटे हिचा सत्कार करण्यात आला तसेच लीपक्षी नागदेवे, प्रवज्या सुखदेवे इत्यादी विद्यार्थिनींनी उत्कृष्ट भाषण दिले. अनुष्का कांबळे, रिधम सोनुने यांनी सांस्कृतिक कार्यक्रम सादर केले.
त्यावेळी परिसरातील महिला मंडळी व नागरिक मोठ्या संख्येने उपस्थित होते. कार्यक्रमाचे सूत्रसंचालन भाग्यश्री मेश्राम, शालू बांबोर्डे व प्रास्ताविक किरण डोहणे यांनी केले. तर उपस्थितांचे आभार पल्लवी पाटील यांनी मानले.
कार्यक्रमाच्या यशस्वीतेसाठी संयुक्त जयंती सोहळा समितीच्या अध्यक्षा हेमा नागदेवे, कोषाध्यक्ष स्मिता सतदेवे, जोत्स्ना हुमणे, नितीशा बन्सोड, जसबीर ललत, प्रज्ञा सांगोडे, किरण ताजने, सीमा कांबळे. रागिनी उके, मंगला गोस्वामी, संघमित्रा घापर्डे, नीलिमा मेश्राम, प्रिया रामटेके, रंजना लेंडे, अस्विनी रामटेके व संयुक्त जयंती सोहळा समिती, महात्मा ज्योतिबा फुले कॉलनी, सिद्धार्थ नगर आणि न्यु महात्मा फुले कॉलनी भोजापूर (भंडारा) च्या पदाधिकारी व कार्यकर्त्यांनी सहकार्य केले.
Devashish Govind Tokekar
VANDE Bharat live tv news Nagpur
Editor/Reporter/Journalist
RNI:- MPBIL/25/A1465
Indian Council of press,Nagpur
Journalist Cell
All India Media Association
Nagpur District President
Delhi Crime Press
RNI NO : DELHIN/2005/15378
AD.Associate /Reporter
Contact no.
9422428110/9146095536
Head office:- plot no 18/19, flat no. 201,Harmony emporise, Payal -pallavi society new Manish Nagar somalwada nagpur – 440015
