નવસારી એલસીબી પોલીસે બોરિયાચ ટોલનાકા પાસે ટેમ્પામાં છુપાવીને લઈ જવાતો રૂા. ૧.૦૮ લાખનાં વિદેશી દારૂ સાથે એકની અટક કરી હતી જ્યારે બે આરોપીઓ ને ફરાર જાહેર કર્યા હતા.નવસારીમાં હાઇવે નં. ૪૮ ઉપર થતી પ્રોહીબિશન ની પ્રવુતિ અટકાવવા માટે એલસીબી પીઆઇ જાડેજા એ સ્ટાફ ને સૂચના આપી હતી.જેને અનુલક્ષી હે.કો મહેન્દ્રસિંહ નારાયણસિંહ તથા પો.કો અર્જુનકુમાર હર્ષદભાઈ નાઓને બાતમી મળી કે બોરીયાચ ટોલનાકા ને.હા.નં. ૪૮મુંબઇ થી અમદાવાદ જતા રોડ ઉપરથી ટેમ્પોમાં વિદેશી દારૂ રવાના કરાયો છે.બાતમીના વર્ણન વાળો ટેમ્પો આવતા પ્રથમ તપાસ દરમ્યાન કઇ મળ્યું ન હતું પરંતુ ઝીણવટ ભરી રીતે તપાસ કરતા ટેમ્પા ની અંદર ચોરખાનું બનાવી તેમાંથી ૬૪૮ બાટલીઓ સંતડવામાં આવી હતી. જેની અંદાજીત કિંમત રૂા. ૧.૦૮ લાખ જેટલી થાય છે. એલસીબી પોલીસે ચાલ કપુનમારામ જાટ (રહે. સારલા, જી. બાડમેર,રાજસ્થાન)ની અટક કરી હતી. જ્યારે દારૂભરાવનાર અને મંગાવનાર બે ને ફરાર જાહેર કર્યા હતા.
