प्रेस विज्ञप्ति
विधान भवन, मुंबई
गोधनी रेल्वे वसाहतीतील प्लॉट धारकांना २७ वर्षांनंतरही ताबा नाही
आमदार अभिजित वंजारी यांचा अधिवेशनात सवाल
मुंबई :राज्यात सुरू असलेल्या 2025 च्या पावसाळी अधिवेशनात नागपूरच्या गोधनी रेल्वे परिसरातील म्हाडाच्या प्लॉट वाटपासंदर्भात एक महत्त्वाचा प्रश्न आज विधानसभेत उपस्थित करण्यात आला. आमदार अभिजित वंजारी यांनी प्रश्नोत्तराच्या तासात ही गंभीर बाब मांडली.
आमदार अभिजित वंजारी म्हणाले, 1996 साली म्हाडाने गोधनी रेल्वे या भागात 316 लाभार्थ्यांना प्लॉट वाटप केले. मात्र, आज 27 वर्षे उलटूनही या नागरिकांना प्रत्यक्ष ताबा मिळालेला नाही. गेल्या दीड वर्षांपासून मी या विषयाचा सातत्याने पाठपुरावा करतो आहे. यातील फक्त 103 जणांनाच प्रत्यक्ष प्लॉट मिळाले असून, उर्वरित नागरिक अजूनही वाटच बघत आहेत.
ते पुढे म्हणाले, हा भाग सध्या नागपूर महापालिकेच्या हद्दीबाहेर असून नगरपरिषद हद्दीत येतो. नगरपरिषद डेव्हलपमेंट चार्जेस भरण्याची अट घालते, तर म्हाडा विकासकामे पूर्ण करेल असे सांगते. अशा परिस्थितीत गेल्या दोन दशकांहून अधिक काळ प्रलंबित असलेल्या या प्रकरणात सरकारने स्पष्ट भूमिका घेऊन संबंधित नागरिकांना तातडीने प्लॉटचा ताबा द्यावा.
वंजारी यांनी हा मुद्दा विशेष प्रश्नाच्या माध्यमातून उपस्थित करून 27 वर्षांपासून घराच्या प्रतीक्षेत असलेल्या नागपूरकरांच्या न्यायहक्काची मागणी केली.
Vande bharat live tv news,nagpur
Editor
Indian Council of press,Nagpur
Journalist
Contact no.9422428110/9146095536
Head office:- plot no 18/19, flat no. 201,Harmony emporise, Payal -pallavi society new Manish Nagar somalwada nagpur – 440015
