🔴 स्वातंत्र्यवीर सावरकर यांची १४२ वी जयंती एशियन महाविद्यालयात साजरी

संवाददाता -अनिकेत मशिदकर, पुणे : एशियन महाविद्यालय विज्ञान व वाणिज्य, धायरी पुणे येथे स्वातंत्र्यवीर विनायक दामोदर सावरकर यांची १४२ वी जयंती मोठ्या उत्साहात साजरी करण्यात आली. या कार्यक्रमात संस्थेच्या संस्थापक अध्यक्षा डॉ. अनिता साप्ते, सचिव मा. अनिल साप्ते, उपाध्यक्ष मा. आनंद साप्ते, प्राचार्या डॉ. सविता सिंह, उपप्राचार्या श्रुती रेगे, फार्मसी महाविद्यालयाच्या प्राचार्या सहा. प्रा. प्राप्ती देसाई तसेच महाविद्यालयातील सहा. प्राध्यापक व कर्मचारी मोठ्या संख्येने उपस्थित होते.

कार्यक्रमाची सुरुवात स्वातंत्र्यवीर सावरकर व सरस्वती यांच्या प्रतिमेचे पूजन आणि दीपप्रज्वलनाने करण्यात आली.यानंतर मराठी विभागाचे सहायक प्राध्यापक गौतम जगताप यांनी सावरकर यांच्या जीवनावर सखोल प्रकाश टाकला. त्यांनी सावरकरांचे साहित्यिक योगदान, विशेषतः ‘माझी जन्मठेप’ या आत्मकथनातील प्रखर देशभक्तीचा उल्लेख करताना सावरकरांचे लेखन आणि कृती या दोन्हीमधून प्रकटणारी त्यांची राष्ट्रनिष्ठा अधोरेखित केली.

प्राचार्या डॉ. सविता सिंह यांनी आपल्या भाषणात सांगितले की, “सावरकर यांचे विचार, देशप्रेम आणि त्यांचे वैचारिक नेतृत्व हे आजच्या तरुणांनी आत्मसात करणे गरजेचे आहे. सावरकर म्हणजे केवळ व्यक्तिमत्त्व नव्हे तर एक वैचारिक व्यासपीठ आहे.”

कार्यक्रमाचे प्रास्ताविक व सूत्रसंचालन सहा. प्रा. गौतम जगताप यांनी केले तसेच त्यांनीच कार्यक्रमाची सांगता करत सर्वांचे आभार मानले.