UGC પાછું ખેંચવું જોઈએ: શિક્ષણ ક્ષેત્રમાં મનમાની નહીં, સંવાદ અને સમાન તક જરૂરી
પ્રેસનોટ
UGC દ્વારા લાવવામાં આવેલી નવી નીતિઓ અને તેના કારણે ઊભા થતા વિવાદોને ધ્યાનમાં રાખીને કેન્દ્ર સરકારે સંબંધિત જોગવાઈઓ પર તાત્કાલિક પુનર્વિચાર કરી UGCની વિવાદાસ્પદ જોગવાઈઓ રોલ બેક કરવી જોઈએ, તેવી માંગ ઉઠી રહી છે.
શિક્ષણ ક્ષેત્ર દેશના યુવાનો અને ભવિષ્ય સાથે જોડાયેલો વિષય છે. તેથી શિક્ષણની નીતિ બનાવતી વખતે વિદ્યાર્થીઓ, શિક્ષકો, યુનિવર્સિટીઓ, શિક્ષણવિદો અને તમામ સામાજિક વર્ગોના પ્રતિનિધિઓ સાથે પૂરતી ચર્ચા થવી જરૂરી છે. એકતરફી રીતે નિર્ણયો લાદવાથી શિક્ષણ વ્યવસ્થામાં અવિશ્વાસ અને અસંતોષ વધે છે.
કેન્દ્ર સરકાર જો ખરેખર ગુણવત્તાયુક્ત અને સમાન શિક્ષણ વ્યવસ્થા ઇચ્છતી હોય તો વિવાદાસ્પદ નિર્ણયોને પ્રતિષ્ઠાનો પ્રશ્ન બનાવવાને બદલે જનહિતમાં પાછા ખેંચી ચર્ચા અને સર્વસંમતિથી નવી વ્યવસ્થા બનાવે.
UGC રોલ બેક કરો, શિક્ષણ બચાવો અને વિદ્યાર્થીઓના ભવિષ્ય સાથે રમત બંધ કરો.
સરકારને અપીલ છે કે શિક્ષણ ક્ષેત્રે રાજકીય હસ્તક્ષેપ કરતાં પારદર્શિતા, સમાન તક, ગુણવત્તા અને બંધારણીય મૂલ્યોને પ્રાથમિકતા આપવામાં આવે. દેશના યુવાનોના ભવિષ્યનો નિર્ણય કોઈ એક પક્ષ કે સરકારની મનમાનીથી નહીં, પરંતુ વ્યાપક ચર્ચા અને સર્વસંમતિથી થવો જોઈએ.
