ਸਲਮਾਨ ਕਪੂਰ/ਮਲੇਰਕੋਟਲਾ:-
ਹਾਲ ਹੀ ਵਿੱਚ ਕਪੂਰ ਪੱਤ੍ਰਿਕਾ ਦੇ ਮੁੱਖ ਸੰਪਾਦਕ ਮੁਹੰਮਦ ਸਲਮਾਨ ਕਪੂਰ ਦੁਆਰਾ ਨਿਰਦੇਸ਼ਕ ਸੂਚਨਾ ਅਤੇ ਲੋਕ ਸੰਪਰਕ ਕੋਲ ਇੱਕ ਆਰਟੀਆਈ ਨੰਬਰ 128777 ਦਾਇਰ ਕੀਤਾ ਗਿਆ ਸੀ। ਇਸ ਸਬੰਧੀ ਮਾਲੇਰਕੋਟਲਾ ਦੇ ਸਹਾਇਕ ਲੋਕ ਸੰਪਰਕ ਅਧਿਕਾਰੀ ਦੀਪਕ ਕਪੂਰ ਵੱਲੋਂ ਸਲਮਾਨ ਕਪੂਰ ‘ਤੇ ਆਰਟੀਆਈ ਵਾਪਸ ਲੈਣ ਲਈ ਲਗਾਤਾਰ ਦਬਾਅ ਪਾਇਆ ਜਾ ਰਿਹਾ ਸੀ। ਇਸ ਸਬੰਧੀ ਇੱਕ ਖਬਰ 12 ਜੁਲਾਈ 2024 ਦੇ ਦੈਨਿਕ ਜਨ ਜਾਗਰਣ ਸੰਦੇਸ਼ ਵਿੱਚ ਛਪੀ ਸੀ। ਇਸ ਕਾਰਵਾਈ ‘ਤੇ ਪ੍ਰਤੀਕਿਰਿਆ ਦਿੰਦਿਆਂ ਜ਼ਿਲ੍ਹਾ ਲੋਕ ਸੰਪਰਕ ਅਫ਼ਸਰ ਮਾਲੇਰਕੋਟਲਾ ਨੇ ਆਰ.ਟੀ.ਆਈ ਦਾ ਜਵਾਬ ਦਿੱਤਾ ਪਰ ਜਵਾਬ ਪੜ੍ਹ ਕੇ ਕਾਫ਼ੀ ਹੈਰਾਨੀ ਹੋਈ ਕਿ ਜ਼ਿਲ੍ਹਾ ਲੋਕ ਸੰਪਰਕ ਅਫ਼ਸਰ ਨੇ ਆਰ.ਟੀ.ਆਈ. ਅਰਜ਼ੀ ਨੂੰ ਪੜ੍ਹੇ ਬਿਨਾਂ ਹੀ ਅਸਪਸ਼ਟ ਜਵਾਬ ਦੇ ਦਿੱਤਾ। ਇਸ ਕਾਰਨ ਜਵਾਬ ਤੋਂ ਅਸੰਤੁਸ਼ਟ ਸਲਮਾਨ ਕਪੂਰ ਨੇ ਜੁਆਇੰਟ ਡਾਇਰੇਕਟਰ- ਰਣਦੀਪ ਸਿੰਘ ਆਹਲੂਵਾਲੀਆ ਚੰਡੀਗੜ੍ਹ ਕੋਲ ਅਪੀਲ ਦਾਇਰ ਕੀਤੀ ਹੈ।
ਦੱਸ ਦੇਈਏ ਕਿ ਏ.ਪੀ.ਆਰ.ਓ ਮਾਲੇਕੋਟਲਾ ਦੇ ਖਿਲਾਫ ਸਲਮਾਨ ਕਪੂਰ ਵੱਲੋਂ ਡਾਇਰੈਕਟਰ ਪਬਲਿਕ ਰਿਲੇਸ਼ਨ ਚੰਡੀਗੜ੍ਹ ਨੂੰ ਲਿਖਤੀ ਸ਼ਿਕਾਇਤ ਜਿਸ ਦਾ ਸ਼ਿਕਾਇਤ ਨੰਬਰ 2024035798 ਹੈ ਦਾਇਰ ਕੀਤੀ ਸੀ, ਜਿਸ ਦੇ ਨਤੀਜੇ ਵਜੋਂ ਜੁਆਇੰਟ ਡਾਇਰੈਕਟਰ ਚੰਡੀਗੜ੍ਹ ਪ੍ਰੀਤ ਕੰਵਲਜੀਤ ਸਿੰਘ ਵੱਲੋਂ 12 ਜੁਲਾਈ ਨੂੰ ਸੁਪਰਡੈਂਟ ਗ੍ਰੇਡ 2 ਕੰਵਲਜੀਤ ਸਿੰਘ ਨੂੰ ਲੋੜੀਂਦੀ ਕਾਰਵਾਈ ਲਈ ਮਾਰਕ ਕੀਤਾ ਗਿਆ ਹੈ। ਹੁਣ ਦੇਖਣਾ ਇਹ ਹੈ ਕਿ ਕੀ ਸੱਚਾਈ ਦੀ ਜਿੱਤ ਹੋਵੇਗੀ ਜਾਂ ਮਾਮਲੇ ਨੂੰ ਗੋਲਮੋਲ ਕਰਨ ਦੀ ਕੋਸ਼ਿਸ਼ ਹੋਵੇਗੀ? ਸਲਮਾਨ ਕਪੂਰ ਨੇ ਡਾਇਰੈਕਟਰ ਪਬਲਿਕ ਰਿਲੇਸ਼ਨ ਚੰਡੀਗੜ੍ਹ ਤੋਂ ਮੰਗ ਕੀਤੀ ਹੈ ਕਿ ਇਸ ਮਾਮਲੇ ਦੀ ਉੱਚ ਪੱਧਰੀ ਜਾਂਚ ਕਰਕੇ ਉਨ੍ਹਾਂ ਦੇ ਬਿਆਨ ਦਰਜ ਕਰਕੇ ਤੁਰੰਤ ਸਖ਼ਤ ਕਾਰਵਾਈ ਕੀਤੀ ਜਾਵੇ।
