Press note
Pratinidhi nagpur/Vishesh pratinidhi.
dadar(Mumbai)
——-
◆ दादर सुटकेस हत्याकांड प्रकरण
◆ *हत्येत पाकिस्तान, बेल्जियम व बांग्लादेशातील अपंगांचाही समावेश*
◆ अपंग आरोपींकडून एक व्हॉट्सॲप ग्रुप
◆ गुन्हा करत असताना आरोपी तीन लोकांशी लाइव्ह कनेक्ट
◆ अर्शदची पत्नी रुखसानाचे जय चावडासोबत प्रेमसंबंध असल्याचा दावा
◆ हत्येशी संबंधित आरोपी, पीडिता आणि साक्षीदार सर्वच मुकबधिर
◆ हत्येचे गूढ उकलण्यात पोलिसांसमोर अनेक आव्हाने
——–
विशेष प्रतिनिधी, मुंबई
पायधुनी पोलीस आणि मुंबई गुन्हे शाखेसाठी दादरच्या प्लॅटफॉर्म क्रमांक 11 वर सुटकेसमध्ये सापडलेल्या मृतदेहाचे हत्येचे गूढ दिवसेंदिवस गुंतागुंतीचे होत चालले आहे. कारण, या रहस्याचा परदेशाशी संबंध आहे. आतापर्यंतच्या तपासात भारताव्यतिरिक्त पाकिस्तान, बेल्जियम आणि बांगलादेशातील अपंगांचीही मदत घेतल्याचे समोर आले आहे. तपासात असेही समोर आले आहे की, या अपंग आरोपींनी एक व्हॉट्सॲप ग्रुप तयार केला होता, ज्यामध्ये अनेक देशांतील दिव्यांगांचा समावेश होता. अर्शद शेखचा खून होत असताना हे आरोपी एका महिलेसोबत व्हिडिओ कॉल करत होते. पोलीस त्या महिलेचा शोध घेत आहेत जी या लोकांना व्हिडीओच्या माध्यमातून हत्येचा उलगडा कसा करायचा याबाबत मार्गदर्शन करत होती. हा गुन्हा करत असताना आरोपी तीन लोकांशी लाइव्ह कनेक्ट होते, त्यापैकी एक महिला असल्याचे सूत्रांनी स्पष्ट केले. एक व्यक्ती बेल्जियममधून थेट कनेक्ट झाली होती.
यातील एक आरोपी मृत अर्शदची पत्नी रुखसाना आहे, तर अन्य दोन आरोपी अर्शदचा अपंग मित्र शिवजीत सिंग आणि जय प्रवीण चावडा आहेत. अर्शद स्वतः अपंग होता. त्यामुळे 35 वर्षीय अर्शदची हत्या का करण्यात आली ह्याचा शोध मुंबई पोलिस घेत आहेत.
मात्र, अर्शदची पत्नी रुखसाना हिचे जय चावडासोबत प्रेमसंबंध असल्याचा दावा पोलिसांनी केला आहे. याची जाणीव अर्शदला होती. तो विरोध करत होता. त्यामुळे त्याने साथीदारांसोबत मिळून अर्शदचा खून केल्याचा आरोप आहे. अर्शदच्या हत्येच्या आरोपावरून पोलिसांनी शिवजित सिंग आणि जय प्रवीण चावडा यांच्याशिवाय अर्शदची पत्नी रुखसाना हिलाही अटक केली आहे. या हत्येशी संबंधित आरोपी, पीडिता आणि साक्षीदार हे सर्व अपंग म्हणजेच मुके-बहिरे आहेत, असा पोलिसांचा युक्तिवाद आहे. हे लोक ना कोणत्याही प्रश्नाची उत्तरे देऊ शकत आहेत ना पोलीस काय बोलतात ते समजू शकत नाहीत. त्यामुळे या खुनाचे गूढ उकलणे पोलिसांसमोर अडचणीचे ठरत आहे.
तपासाशी संबंधित पोलिस सूत्रांचे म्हणणे आहे की, या हत्येचे गूढ उकलण्यासाठी 12 तपास पथक व 4 दुभाष्यांची मदत घेतली जात आहे, जे मूकबधिर लोकांची भाषा समजू शकतात.
पायधुनी पोलिसांची एकूण 12 पथके यानेचा तपास करत आहेत. जर तीन जणांनी खून केला असेल, तर अर्शदच्या मृतदेहाची विल्हेवाट लावण्यासाठी जय चावडा एकटाच का गेला? असे अनेक प्रश्न उपस्थित राहत आहेत.
दादर आरपीएफशी संबंधित एका वरिष्ठ अधिकाऱ्याचे मत आहे की, आरोपींनी मृतदेह नदीत किंवा इतरत्र फेकण्याऐवजी ट्रेनमध्ये ठेवला असता आणि परत आला असता कारण चालत्या ट्रेनमधून जड बॅग फेकणे इतके सोपे नसते. या प्रकरणाचा तपास केल्यानंतर पोलिसांनी आरोपीचा सहकारी शिवजित सिंग याला उल्हास नगर येथून अटक केली होती. मुंबई पोलीसांनी पोलीस दलातील एक हवालदार, ज्यांचा मुलगा स्वतः मुकबधिर असुन त्याची भाषा समजण्यासाठी मदत घेतली आहे.
वंदे भारत लाईव्ह टीव्ही न्यूज नागपूर
संपादक
पोलिस मित्र महासंघ नागपूर शहर अध्यक्ष
