A2Z सभी खबर सभी जिले कीअन्य खबरेउदैपुरगुजरात

સશક્ત દીકરી – કલેક્ટર ઇન ક્લાસરૂમ : કલેક્ટર ગાર્ગી જૈનનો દીકરીઓ સાથે પ્રેરણાદાયી સંવાદ

સિમલફળીયા શાળામાં કલેક્ટર ગાર્ગી જૈનની અનોખી ક્લાસ, દીકરીઓને આપ્યું સફળતાનું મંત્ર

Photo of VIRENDRASINH DESAI CHHOTAUDAIPUR GUJRAT VIRENDRASINH DESAI CHHOTAUDAIPUR GUJRAT Send an email 21/07/2026Last Updated: 21/07/2026
0 Less than a minute
IMG 20260720 WA0085
IMG 20260720 WA0084
“સશક્ત દીકરી – કલેક્ટર ઇન ક્લાસરૂમ” છોટાઉદેપુર કલેક્ટર ગાર્ગી જૈને સિમલફળીયા શાળાની દીકરીઓ સાથે કર્યો પ્રેરણાદાયી સંવાદ છોટાઉદેપુર તાલુકાના સિમલફળીયા ગામની સરકારી માધ્યમિક અને ઉચ્ચતર માધ્યમિક શાળામાં આજે એક અનોખો અને પ્રેરણાદાયી માહોલ જોવા મળ્યો હતો. “સશક્ત દીકરી – કલેક્ટર ઇન ક્લાસરૂમ” અભિયાન અંતર્ગત જિલ્લા કલેક્ટર ગાર્ગી જૈને રૂબરૂ વર્ગખંડમાં પહોંચીને વિદ્યાર્થીનીઓ સાથે સીધો, સહજ અને અત્યંત પ્રોત્સાહક સંવાદ કર્યો હતો. વિદ્યાર્થીનીઓને અભ્યાસ અને પરીક્ષા વિશે માર્ગદર્શન આપતાં તેમણે જણાવ્યું કે, “દરેક બાળકની યાદશક્તિ અને વાંચવાની પદ્ધતિ અલગ હોય છે. કોઈની નકલ કે દેખાદેખી કર્યા વિના તમારી પોતાની અનુકૂળતા મુજબ તૈયારી કરશો તો સફળતા ચોક્કસ મળશે.” રમત-ગમતના મહત્વ પર ભાર મૂકતાં તેમણે ઉમેર્યું કે, રમતો રમવાથી માત્ર શરીર જ નહીં પણ મન પણ સ્વસ્થ રહે છે અને એકાગ્રતામાં વધારો થાય છે. વિદ્યાર્થીકાળમાં અભ્યાસ સાથે રમતોમાં પણ સક્રિય રહેવું જરૂરી છે. કલેક્ટરએ પોતાની કારકિર્દીના અનુભવો શેર કરવાની સાથે વિદ્યાર્થીનીઓને ‘ગુડ ટચ – બેડ ટચ’ વિશે ખૂબ જ મુક્ત મને વાત કરી સંવેદનશીલ અને જરૂરી માર્ગદર્શન આપ્યું હતું. શાળાની મુલાકાત દરમિયાન તેમણે દીકરીઓમાં આત્મગૌરવ જગાડતા રોજના જીવનમાં ‘હું સ્વચ્છ રહીશ, આત્મવિશ્વાસી રહીશ, સુરક્ષિત રહીશ અને મારા પરિવાર તથા દેશનું નામ રોશન કરીશ’ જેવા સંકલ્પ વાક્યોનું નિત્ય રટણ કરવા પ્રેરણા આપી હતી. પર્યાવરણ અને શિક્ષણના અનોખા સમન્વયરૂપે કલેક્ટરના હસ્તે હાજર તમામ દીકરીઓને પ્રોત્સાહક ભેટ તરીકે ‘પ્લાન્ટેબલ પેન્સિલ’ (જેનો ઉપયોગ પૂરો થયા પછી જમીનમાં વાવવાથી છોડ ઉગે છે) આપવામા આવી હતી. આ કાર્યક્રમમાં શાળાના આચાર્ય, શિક્ષકગણ અને મોટી સંખ્યામાં ઉત્સાહી વિદ્યાર્થીનીઓ ઉપસ્થિત રહી હતી. કલેક્ટરની આ અનોખી મુલાકાતે દીકરીઓમાં એક નવો ઉત્સાહ અને આત્મવિશ્વાસ ભરી દીધો હતો.

વિરેન્દ્રસિંહ દેસાઈ બોડેલી છોટાઉદેપુર.

Photo of VIRENDRASINH DESAI CHHOTAUDAIPUR GUJRAT VIRENDRASINH DESAI CHHOTAUDAIPUR GUJRAT Send an email 21/07/2026Last Updated: 21/07/2026
0 Less than a minute
Show More
Photo of VIRENDRASINH DESAI CHHOTAUDAIPUR GUJRAT

VIRENDRASINH DESAI CHHOTAUDAIPUR GUJRAT

Back to top button
error: Content is protected !!