राष्ट्रीय मूल्य जोपासणाऱ्या कार्यक्रमांचे युवक बिरादरी संस्थेकडून आयोजन जिल्हाधिकारी डॉ. संजय कोलते यांचे प्रतिपादन

चैनल से जुड़ने के लिए इमेज पर क्लिक करें

प्रेस नोट
भंडारा येथील सार्वजनिक वाचनालयातील इंद्रप्रस्थ
सभागृह भंडारा युवक बिरादरी
सार्वजनिक वाचनालय व नगर परिषद भंडारा

राष्ट्रीय मूल्य जोपासणाऱ्या कार्यक्रमांचे युवक बिरादरी संस्थेकडून आयोजन
जिल्हाधिकारी डॉ. संजय कोलते यांचे प्रतिपादन

भंडारा:-
राष्ट्रीय नेतृत्व आणि देशाभिमान जागृत करणारे, सामाजिक व राष्ट्रीय मूल्य जोपासणारे आणि कलाकारांच्या कलागुणांना वाव देणारे कार्यक्रम युवक बिरादरीच्या वतीने आयोजित केले जातात. क्रांती दिनानिमित्त आयोजित गीत गायन स्पर्धा देखील अशाच कार्यक्रमांचा भाग आहे, असे प्रतिपादन भंडाऱ्याचे जिल्हाधिकारी डॉ. संजय कोलते यांनी केले. भंडारा येथील सार्वजनिक वाचनालयातील इंद्रप्रस्थ सभागृहात भंडारा युवक बिरादरी, सार्वजनिक वाचनालय व नगर परिषद भंडारा यांच्या वतीने आयोजित क्रांती दिनानिमित्त आयोजित क्रांतीस्वर गीतगायन स्पर्धेच्या पारितोषिक वितरण प्रसंगी बोलत होते.

क्रांती दिनाच्या निमित्ताने सर्वप्रथम हुतात्मा स्मारक येथे मशाल प्रज्वलित करून शहीदांना पुष्पचक्र अर्पण करून श्रद्धांजली देण्यात आली.‌ यानंतर सर्व मान्यवरांसह विद्यार्थी, युवक आणि नागरिकांच्या मोठ्या उपस्थितीत हुतात्मा स्मारक (लालबहादूर शास्त्री चौक) ते महात्मा गांधी चौक या मार्गावर मशाल रॅली काढण्यात आली. महात्मा गांधी चौकातील महात्मा गांधी यांच्या पूर्णाकृती पुतळ्याला पुष्पहार अर्पण करून रॅलीचा समारोप करण्यात आला. यावेळी जिल्हाधिकारी डॉ. संजय कोलते, पोलीस उपनिरीक्षक निलेश मोरे, उपविभागीय पोलिस अधिकारी प्रशांत कुलकर्णी, ठाणेदार उल्हास भुसारी, भंडारा नगर परिषदेचे मुख्याधिकारी करणकुमार चव्हाण, उपमुख्याधिकारी आकाश शहारे, भंडारा युवक बिरादरीचे उपाध्यक्ष चेतन भैरम, प्रा. गिरीश बोरकर, माजी सैनिक कॅप्टन विनोद गवरे प्रामुख्याने उपस्थित होते.

मशाल रॅलीनंतर सार्वजनिक वाचनालय, भंडारा येथे जिल्हास्तरीय गीतगायन स्पर्धेचे उद्घाटन प्रा. गिरीश बोरकर, भंडारा युवक बिरादरीचे उपाध्यक्ष चेतन भैरम तसेच ज्येष्ठ बिरादर वर्षा दाढी यांच्या उपस्थितीत करण्यात आले. भारत माता व भंडारा युवक बिरादरीचे संस्थापक मनोज दाढी यांच्या प्रतिमेला मार्ल्यापण करून कार्यक्रमाची सुरुवात करण्यात आली.

गीतगायन स्पर्धेत भंडारा आणि गोंदिया जिल्हयातील विविध शाळा, विद्यालये व महाविद्यालयांमधील विद्यार्थी- विद्यार्थिनींनी सहभाग नोंदविला होता. स्पर्धेत समूहगीत राष्ट्रीय विचारवंतांना, देशभक्तांना, क्रांतिवीरांना, शहीदांना समर्पित असणारे क्रांती गीत, शौर्य गीत असे एकाहून एक सुंदर गीत उत्स्फूर्तपणे सादर करण्यात आले.

पारितोषिक वितरण समारंभाच्या अध्यक्षस्थानी जिल्हाधिकारी डॉ. संजय कोलते होते. प्रमुख पाहुणे म्हणून सार्वजनिक वाचनालयाचे अध्यक्ष धनंजय दलाल, अतिरिक्त पोलीस निरीक्षक अभिजीत पाटील, युवक बिरादरीचे उपाध्यक्ष चेतन भैरम, ज्येष्ठ बिरादर प्यारेलाल वाघमारे, उद्योजक रामविलास सारडा, सुरेश मोहिते, फराक सिद्दीकी, वर्षा दाढी, प्रा.गिरीश बोरकर आदी मान्यवर उपस्थित होते. उपस्थित मान्यवरांनी क्रांती दिनाचे महत्त्व सांगितले आणि उपस्थितांचे कौतुक केले. असे उपक्रम युवकांसाठी नियमित होत राहावेत, यासाठी शुभेच्छा दिल्या.

क्रांतीस्वर देशभक्ति गीत स्पर्धेत स्प्रिंग डेल स्कूल भंडारा, नूतन महाराष्ट्र विदयालय, लाल बहादूर शास्त्री विद्यालय भंडारा या शाळेचा अनुक्रमे प्रथम द्वितीय व तृतीय क्रमांक पटकावला आहे. तसेच स्कूल ऑफ स्कॉलर्स भंडारा आणि के. पी. असाटी स्कूल तिरोडा, गोंदिया यांना प्रोत्साहनपर पारितोषिक देण्यात आले.

स्पर्धेचे परिक्षक म्हणून राहुल हुमणे, मोनिका हुमणे (शेंडे), गोल्डी, तारकेश्वर चरडे यांनी उत्कृष्ट कामगिरी बजावली आहे. कार्यक्रमाचे सूत्रसंचालन सागर ठाकरे, विक्रम फडके व प्रास्ताविक वर्षा दाढी यांनी केले तर उपस्थितांचे आभार भीष्म लांडगे, सुरेंद्र कुलरकर यांनी मानले. कार्यक्रमाच्या यशस्वीतेसाठी भंडारा युवक बिरादरीच्या अध्यक्षा सरिता फुंडे, कार्याध्यक्ष सुरेंद्र कुलरकर, उपाध्यक्ष वैभव कोलते, संचालक विक्रम फडके, ज्येष्ठ बिरादर पंकज इंगोले, प्रशांत वाघाये, यशपाल, प्रणित उके, यशपाल कऱ्हाडे, नेहा शेंडे, विलास केजरकर, प्रवीण कुंभारे, मोरेश्वर समरीत, रुद्रा कावडे, विशाल जाखमाते, शरद धोत्रे, तन्मय तितरमारे, गणेश निंबार्ते, पियुष गवरे, आस्तिक उके, अश्विन बनसोड, पूजा कुंभलकर, खुशी कावळे, प्रज्वल राखडे, खुशी, पुजा इत्यादी बिरादरांचे मार्गदर्शन आणि सहकार्य लाभले.

चौकट – भंडारा जिल्ह्याचे अन्न पुरवठा अधिकारी नरेश वंजारी, अड्याळ येथील संत गजाजन महाराज अभ्यासिकेच्या संचालिका रजनी वंजारी यांना त्यांच्या कार्याबद्दल युवक बिरादरी भंडारा तर्फे सन्मानचिन्ह, शाल व श्रीफळ देऊन गौरविण्यात आले. तसेच मुख्यमंत्री शिष्यवृत्ती योजनेत निवड झाल्याबद्दल अनिकेत नगरकर यांचे पालक आणि भंडारा जिल्ह्यतील खमारी बुट्टी येथील रहिवासी कु. प्राची केशव चटप हिने भारतीय आट्यापाट्या संघाची कर्णधार राहून भारताला सुवर्ण पदक जिंकून दिल्याबद्दल आई दुर्गा चटप हिचे स्मृतिचिन्ह व रोपटे देऊन गौरविण्यात आले.

RNI:- MPBIL/25/A1465
Devashish Tokekar
Vande bharat live tv news,nagpur
Editor
Indian Council of press,Nagpur
Journalist
Contact no.9422428110/9146095536
Head office:- plot no 18/19, flat no. 201,Harmony emporise, Payal -pallavi society new Manish Nagar somalwada nagpur – 440015