આખું ભારત રક્ષાબંધન ઉજવે છે. પાલીવાલો એ જ દિવસે પોતાના પૂર્વજોને યાદ કરે છે. સાત સદીથી આ પરંપરા એક જ વાત કહી રહી છે કે કેટલાક તહેવારો કેલેન્ડરમાં આવે છે, પરંતુ કેટલીક તારીખો ઇતિહાસ બનીને માણસની સ્મૃતિમાં જીવતી રહે છે.
આખું ભારત રક્ષાબંધન ઉજવે છે. પાલીવાલો એ જ દિવસે પોતાના પૂર્વજોને યાદ કરે છે. સાત સદીથી આ પરંપરા એક જ વાત કહી રહી છે કે કેટલાક તહેવારો કેલેન્ડરમાં આવે છે, પરંતુ કેટલીક તારીખો ઇતિહાસ બનીને માણસની સ્મૃતિમાં જીવતી રહે છે.રક્ષાબંધન આવે એટલે ભારતના ઘરોમાં એક ખાસ ચહલપહલ ઊભી થાય. બહેન ભાઈના કાંડા પર રાખડી બાંધે, કપાળે કંકુ કરે, મીઠાઈ ખવડાવે અને ભાઈના લાંબા આયુષ્યની કામના કરે. બજારોમાં રંગબેરંગી રાખડીઓ દેખાય, ઘરમાં હાસ્ય સંભળાય અને શ્રાવણની પૂર્ણિમા ભાઈ-બહેનના સ્નેહના તહેવાર તરીકે ઉજવાય.
પરંતુ રાજસ્થાનના પાલીવાલ બ્રાહ્મણોના ઘરમાં આ દિવસે દૃશ્ય કંઈક જુદું હોય છે. અહીં રાખડીના થાળ સજતા નથી. બહેન ભાઈના કાંડા પર રક્ષાસૂત્ર બાંધતી નથી. મીઠાઈ વહેંચાતી નથી. તેના બદલે પૂર્વજોના નામે તર્પણ થાય છે, પ્રાર્થના થાય છે અને સાત સદીથી પણ જૂની એક એવી સ્મૃતિને ફરી જીવંત કરવામાં આવે છે, જેને સમય પણ ભૂંસી શક્યો નથી.
[yop_poll id="10"]
